Jógaland Sollu

Páskafrí ofl.

2009-04-04T15:43:00.002Z

Páskafrí verður í jóganu mánudaginn 13. og miðvikudaginn 15. apríl n.k.

Ég verð með jóga 2x í viku á mánudögum og miðvikudögum klukkan 17:30 - 18:30 út maí.

Opið öllum sem hafa einhvern jógagrunn. Hægt að kaupa 5 eða 10 tíma á 4000 og 8000 þús., stakur tími 1000.

Kærleikskveðjur og gleðilega páska

-12 tíma jóganámskeið í janúar-

2009-01-04T20:35:00.001Z

Nýtt 12 tíma jóganámskeið hefst miðvikudaginn 14. janúar ef næg þátttaka fæst.

Kennt verður á mánudögum og miðvikudögum frá 18:45-19:45
Verð 10.000 kr sem greiðist í upphafi námskeiðs, lokað námskeið og ekki boðið upp á staka tíma.
Hentar byrjendum og fólki með jógagrunn sem hefur ekki verið í jóga nýlega.

Rólegir tímar sem miða að því að styrkja líkamann, losa um vöðvabólgu, styrkja kvið og bakvöðva og margt fleira. Góð slökun í lokin. Góðar útskýringar á grunnæfingum og hver og einn vinnur út frá eigin forsendum. Hentar konum og körlum

-ATH- Skráningu lýkur þriðjudaginn 13. janúar
-------------------------------------------------------------------------------------------------

Framhaldshópurinn er á sömu dögum frá 17:30-18:30. Þær hafa verið að iðka jóga í nokkur ár með góðum árangri og henta þeir tímar ekki byrjendum. Tvö pláss laus fyrir fólk með reynslu. Hægt að kaupa tíu tíma í senn á 8000 kr.

Hlakka til að sjá sem flesta Solla S: 8658184

Byrjendanámskeið hefst 1. september

2008-08-11T16:15:00.002Z

10 tíma byrjendanámskeið

(á Stöðvarfirði)

Hefst 1. september.

Hentar þeim sem ekki hafa stundað jóga eða hafa lítinn grunn, vilja láta sér líða betur og langar að fræðast meira um jóga.

Kenndar grunnæfingar Hatha jóga, auk ýmissar fræðslu.

Geisladiskur með slökun og æfingabók fylgja.

mán-mið kl 19:00-20:00

Verð 12.500,-

Skráningu lýkur 30. ágúst.

ATH Enginn lágmarksfjöldi á byrjendanámskeið J

Jóga á haustönn 2008- Námskeið hefjast 1. sept.

2008-08-11T16:13:00.001Z

Jóga á Stöðvarfirði

Hefst mánudaginn 1. september ef næg þátttaka næst.

Tímabilið sept- des (30-40 tímar)

Hægt er að kaupa mismunandi kort sem gilda fyrir áramót.

10 tíma kort kostar 11.000.-

20 tíma kort kostar 19.000.-

30 tíma kort kostar 24.000.-

Stakir tímar 1500.-

Kennt verður á mánudögum – miðvikudögum kl 17:45-18:45 og annan hvern laugardag kl 10:00 -11:00.

Vinsamlegast látið vita með þátttöku fyrir 30. ágúst.

Jóga í Ágúst

2008-07-31T10:24:00.003Z

Heil og sæl

Í ágúst býð ég upp á jógatíma í litla jógalandinu mínu í Hólalandi 18 fyrir einn til þrjá einstaklinga í einu. Ég kenni Hatha jóga og hægt er að velja tíma sem hentar hverjum og einum, byrjendum og lengra komnum.

Klukkutíminn kostar 3000.- krónur.

Til að panta tíma hringdu í s: 865 8184 eða 475 8972

Í september - desember verð ég með fasta tíma 2-3x í viku á Stöðvarfirði. Nánar auglýst síðar.

- Sólarhyllingin -

2008-07-01T14:45:00.003Z

Er samansetning á nokkrum líkamsstöðum sem oftast eru notuð til upphitunar í jógatímum. Æfingaröðin byggir upp góðan hita í líkamanum og byggir einnig upp styrk og liðleika.

Ég rakst á þetta myndband á netinu sem útskýrir vel hvernig sólarhyllingin er gerð. Hægt er að gera hana mjög rólega eða kröftuglega, allt eftir getu hvers og eins.

http://www.youtube.com/watch?v=yuvfHTaftLQ

Ég kann ekki alveg að setja myndbönd inn af Youtube svo það er hægt að setja þennan link inn í vafrarann og læra svo sólarhyllinguna.

Njótið vel :)

Jóganámskeið að styttast í annan endann !

2008-05-08T12:19:00.002Z

Nú styttast vornámskeiðin mín í annan endann. Námskeiðinu á Breiðdalsvík lýkur í næstu viku en á Reyðarfirði verð ég út maí. Það er yndislegt að sjá hvað þessar duglegu konur bæta við sig í styrk á ekki lengri tíma og útgeislunin eykst.

Það er með öllu óráðið hvernig sumarið verður en ég hyggst bjóða upp á einkatíma fyrir 1-3 manna hópa ef ferðamenn með jógaiðkun hafa áhuga á að nýta sér það eða aðrir. Læt auglýsingu upp fljótlega.

Haustið er allsendis óráðið og alveg fullvíst að einhver námskeið fara í gang, ég upplýsi það þegar nær dregur.

Njótið vorsins, dragið djúpt andann..... mmmmmmmmm

Jai Bagvan !

Jóganámskeiðin !

2008-04-07T08:50:00.004Z

Nú er vika 1 liðin af jóganámskeiðunum og vika tvö að hefjast. Ég náði nægjanlegri skráningu á tvö námskeið, á Reyðarfirði og Breiðdalsvík. Nýr og spennandi hópur á Reyðarfirði, mjög áhugasamar konur og frábært að kenna í minna rými en ég er vön að kenna í. Það næst meiri nánd og ég get komið leiðbeiningum vel til skila. Hlakka til að sjá þær styrkjast og mótast á þessum 7 vikum sem eftir eru.

Hér ætla ég að gera tilraun til að setja inn myndband af flinkri jógamömmu :)

Venlig hilsen

Ekki örvænta, ég kenni höfuðstöðuna ekki á námskeiðum með byrjendum :)

Skráningar á námskeið !

2008-03-27T21:30:00.002Z

Nú hafa kerlur aðeins tekið við sér og Reyðarfjörður er með forrystu í skráningu. Hvar eru strákarnir ?? Ég veit, þeir eru svolítið feimnir, nema Sjonni bróðir sem mætir þegar hann mögulega getur því hann finnur hvað það gerir sér gott. En betur má ef duga skal til að ná lágmarksskráningu þar.

Breiðdalskonurnar eru í öðru sæti og leitt að segja að Stöðvarfjörðurinn er með slakasta skráningu sem komið er. Kannski eru þær orðnar leiðar á mér hehe. Nei því trúi ég ekki.

Nú eru nokkrir dagar til stefnu og síðasti séns að skrá sig á Reyðarfjarðarnámskeiðið er á mánudaginn. Hjá Stf. og Brv. rennur fresturinn út á sunnudag, gogogogo.

Jai Bagvan !

Snæfellsjökull

2008-03-25T20:38:00.002Z

Hann trónir hér á toppnum og ekki að ástæðulausu. Síðustu dagar jóganámsins í október síðastliðinn fóru fram á Hellnum á Snæfellsnesi. Þvílík fegurð og orka á einum stað. Ég hef einu sinni áður komið á Snæfellsnesið og var mjög heilluð. Í hvert skipti sem ég sé myndina fer ég til baka og fæ góðu tilfinninguna frá Hellnum og náminu. Fyrri loturnar tvær vorum við á Sólheimum í Grímsnesi, frábær umgjörð í kringum námið.

Jógabloggið mitt

2008-03-24T12:55:00.000Z

Í flugferð á Sólheimum

Góðan og blessaðan daginn. Það er ekki nóg fyrir dömuna að hafa eitt blogg í gangi, nei tvö skulu þau vera. Þessi síða er ætluð sem upplýsingarsíða um jóga og ýmislegt tengt því ,t.d. hvenær námskeiðin mín verða og þess háttar. Þegar ég fer síðan í framkvæmdir á jógalandinu mínu í kjallaranum verða hér myndir af framkvæmdum vinstri hægri.

Næstu jóganámskeið verða sem hér segir:

Reyðarfjörður (8 vikna námskeið). Hefst þriðjudaginn 1. apríl (nei ekkert gabb). Kennt þriðjudaga og fimmtudaga klukkan 18:45-19:45. Lágmarksfjöldi 15 manns.

Stöðvarfjörður (6 vikna námskeið). Hefst mánudaginn 31. mars. Kennt á mánudögum og miðvikudögum klukkan 17:25-1825.

Breiðdalsvík (6 vikna námskeið). Hefst mánudaginn 31. mars. Kennt á mánudögum og miðvikudögum milli 19:00 og 20:00.

Athugið að þetta eru síðustu námskeið vetrarins og næstu námskeið hefjast með haustinu. Ég er ekki með föst námskeið yfir sumartímann en alltaf hægt að fá einkatíma fyrir einstaklinga og hópa.

Skráning og nánari upplýsingar eru hjá mér í síma: 865 8184

Hlakka til að heyra í ykkur !